विकल पौडेलविरुद्ध ४० करोड भ्रष्टाचारको मुद्दा दायर

काठमाडौं । साढे तीन महिनादेखि अख्तियार दुरुपयोग अनुसन्धान आयोगको हिरासतमा रहेका सुरक्षण मुद्रण केन्द्रका तत्कालीन कार्यकारी निर्देशक विकल पौडेलविरुद्ध तेस्रो भ्रष्टाचार मुद्दा दायर भएको छ । सेक्युरिटी प्रिन्टिङ प्रेस खरिदमा ४० करोड ८५ रुपैयाँ भ्रष्टाचार गरेको भन्दै आयोगले आइतबार विशेष अदालतमा मुद्दा दायर गरेको हो ।
म्यास कम्पनीलाई मात्र मिल्ने गरी स्पेशिफिकेसन बनाई ठेक्का दिएर भ्रष्टाचार गरेको अख्तियारको अभियोग छ । आयोगले केन्द्रकाकेन्द्रका तत्कालीन निर्देशक सफल श्रेष्ठ र वन तथा वातावरण मन्त्रालयका तत्कालीन सिडिई (मेकानिकल) नवीनकुमार पोखरेल तथा लेखा अधिकृत खड्कबहादुर थापा र शाखा अधिकृत हरिबल्लभ घिमिरेलाई प्रतिवादी बनाएको छ । म्याक्स इन्टरनेसनल र सो कम्पनीका सिइओ अकबर हुसेनविरुद्ध पनि ४० करोड ८५ लाख नै बिगो कायम गरी मुद्दा दायर गरिएको छ।
विकलविरुद्ध थप भ्रष्टाचार प्रकरणमा छानविन भइरहेको अख्तियारले जनाएको छ ।
ताजा अपडेट
-
रास्वपा र राप्रपाद्वारा आज पनि संसद् बैठक बहिष्कार
-
ल्हेन्दे खोला बाढी: तीन प्रहरीसहित १८ जना बेपत्ता, उद्धारका लागि हेलिकोप्टर घटनास्थलमा
-
सुरक्षा समिति र विपद प्राधिकरणको बैठक बोलाइयो
-
दराजको ७.७ ‘ह्वाट द फ्ल्याश’ सेल : ७० प्रतिशतसम्म छुट, नि:शुल्क डेलिभरी
-
भोटेकोशीको बाढी : त्रिशूली हुँदै बेनीघाटसम्म पुग्ने सम्भावना, सतर्कता अपनाउन विभागको आग्रह
प्रतिक्रिया