सिरोहियामाथिको अनुसन्धान सकिएन, म्याद थपका लागि अदालत लगिँदै
काठमाडौं । कान्तिपुर मिडिया ग्रुपका अध्यक्ष कैलाश सिरोहियालाई म्याद थपका लागि प्रहरीले आज अदालतमा लैजाने तयारी गरेको छ ।
सिरोहियामाथिको अनुसन्धान नसकिएपछि तेस्रो पटक म्याद थपका लागि प्रहरीले उनलाई अदालतमा प्रस्तुत गर्न लागेको हो ।
जिल्ला प्रहरी कार्यालय, धनुषाले सिरोहियामाथिको अनुसन्धान नसकिएकाले म्याद थपका लागि सोमबार अदालतमा लैजाने तयारी गरिएको जनाएको छ ।
नागरिकता कीर्ते अभियोगमा जिल्ला अदालत, धनुषाको अनुमतिमा पक्राउ पुर्जी जारी गर्दै प्रहरीले जेठ ८ गते सिरोहियालाई काठमाडौंबाट पक्राउ गरेको थियो । सोही दिन धनुषा लगिएका उनलाई प्रहरीको हिरासतमा राखेर अनुसन्धान थालिएको थियो । स्वास्थ्यमा समस्या आएको भन्दै अहिले भने उनी अस्पताल भर्ना भएका छन् ।
प्रतिक्रिया