काठमाडौं । गण्डकी प्रदेशका मुख्यमन्त्री खगराज अधिकारीको सरकार ढलेको छ । उनले पाएको विश्वासको मतलाई सर्वाेच्च अदालतल बदर गर्दै नेपाली कांग्रेसका सुरेन्द्रराज पाण्डेलाई मुख्यमन्त्रीमा नियुक्ति गर्न परमादेश दिएको छ ।

न्यायाधीशद्वय कुमार रेग्मी र सुनीलकुमार पोखरेलको इजलासले अधिकारीले लिएको विश्वासको मत गैरसंवैधानिक घोषणा गरिदिएको हो। कांग्रेस संसदीय दलका नेता पाण्डेले दायर गरेको रिटमा यस्तो आदेश आएको हो । सर्वोच्चले पाण्डेलाई सबैभन्दा ठूलो दलको नेताका हैसियतमा मुख्यमन्त्री नियुक्त गर्न परमादेश जारी गरेको हो ।

वैशाख २३ गते ६० सदस्यीय प्रदेश सभामा अधिकारीले विश्वासको मत लिँदा ३० सांसदको समर्थन पाएका थिए। २७ सांसदले विपक्षमा मतदान गर्दा २ जना तटस्थ बसेका थिए।