काठमाडौं । श्रीलंकामा बाढी र पहिरोका कारण कम्तीमा सात जनाको मृत्यु भएको छ ।

देशको विपद् व्यवस्थापन केन्द्रले बाढी र पहिरोमा परी कम्तीमा सात जनाको मृत्यु भएको जनाएको छ ।

कोलम्बोबाहिरको सितावाकामा बाढीले घर बगाउँदा एकै परिवारका तीन जनाको ज्यान गएको छ ।

बाढी र पहिरोले धेरै क्षेत्रमा विद्युत आपूर्ति प्रभावित भएको छ भने सोमबार विद्यालय बन्द गर्ने घोषणा गरिएको छ ।

९ जिल्लामा पहिरो जान सक्ने चेतावनी दिइएको छ ।