काठमाडाैं । अहिलेको जटिल समस्या बनेको पुँजीगत खर्च कसरी गर्ने भन्नेबारे आगामी आर्थिक वर्ष २०८१/८२ को बजेटले समेट्न नसकेको सांसद ज्ञानेन्द्रबहादुर कार्कीले बताएका छन् । आज सांसदमा बोल्दै उनले यस्तो बताएका हुन् ।

‘पुँजीगत खर्च हुन सकेन भनेर म अर्थमन्त्रीलाईमात्रै दोष दिन चाहन्न । तर उहाँले पुँजीगत खर्च गर्नेगरी ठोस योजना बजेटमार्फत ल्याउन सक्नुभएन,’ उनले भने ।

पुँजीगत खर्च नभएकै कारण जनताले प्रतिफल गुमाइरहेको उनको दाबी छ । नेपालमा आयात बढ्नुमात्रै समस्या नभएर निर्यात नबढ्नु पनि भएका कारण यसबारे उनले अर्थमन्त्रीको धारणा माग गरेका छन् ।

बेरोजगारीको समस्या हल गर्न पर्यटन क्षेत्रमा अर्थमन्त्रीले विशेष ध्यान दिनुपर्ने उनको सुझाव छ । भर्खरै समपन्न भएको लगानी सम्मेलन २०२४ पनि कर्मकाण्डमै सिमित भएको उनले टिप्पणी गरे ।