काभ्रेपलाञ्चोक । नेपाल कम्युनिस्ट पार्टी (एमाले) को काभ्रेपलाञ्चोक जिल्ला कमिटी अध्यक्षमा राजन भुर्तेल निर्वाचित भएका छन् ।

अध्यक्षका प्रतिस्पर्धी चन्द्रबहादुर लामालाई ८१ मतले पछि पार्दै भुर्तेल विजयी भएका हुन् । उनले ३८० मत पाए ।

जिल्ला कमिटी उपाध्यक्षमा देवसागर लामा, सचिवमा राजकुमार सापकोटा, उपसचिवमा रत्नकुश रञ्जीतकार र सूर्यमाया दनुवार निर्वाचित भएका छन् । मतदानमा ६७९ जना सहभागी भएका थिए ।

जिल्ला कमिटीमा पाँच पदाधिकारी, भौगोलिक क्षेत्रबाट ८०, समावेशीतर्फ १३ र खुलामा ७ सदस्य गरी एक सय पाँच जना निर्वाचित भएका छन् ।

धुलिखेलमा आयोजित अधिवेशनको पार्टी अध्यक्ष केपी ओलीले उद्घाटन गरेका थिए ।