देशका विभिन्न स्थानमा बाढी र पहिरो, २ को मृत्यु, ४ जना बेपत्ता, ३ घर बगायो
पृथ्वी राजमार्ग भासिँदा आवागमन प्रभावित
![देशका विभिन्न स्थानमा बाढी र पहिरो, २ को मृत्यु, ४ जना बेपत्ता, ३ घर बगायो](http://nepalwatch.com/wp-content/uploads/2022/06/pahiro1.png)
काठमाडौं । गएराति परेको अविरल वर्षाले बाढी र पहिरो निम्त्याउँदा देशभर अहिलेसम्म २ जनाको मृत्यु भएको छ भने ४ जना बेपत्ता छन् । ३ घर बगाएको छ ।
कास्कीको मादी गाउँपालिकामा पहिरोमा परेर ३ बालिकाको मृत्यु भएको छ भने १ जना घाइते छन् । मृत्यु हुनेमा १३ वर्षीया आयुष्मा रानाभाट र पोखराकी ३ वर्षीय अनमोल सुनार छन् । हजुरआमासँगै सुतेकी आयुष्माको घरमाथिबाट खसेको पहिरोमा परेर मृत्यु भएको हो । हजुरआमालाई भने उद्धार गरेर अस्पताल लगिएको छ ।
त्यस्तै, पोखरा–२७, आरुपाटाका ३१ वर्षीय हरि सुनारको घर पुरिँदा उनका ३ वर्षीय छोरा अनमोलको मृत्यु हुनुका साथै उनकी श्रीमती घाइते भएको प्रहरीले जनाएको छ ।
उता, लमजुङमा पहिराले तीन घर बगाउँदा चार जना बेपत्ता भएका छन् । क्वहोलासोथार गाउँपालिका–३ मा मंगलबार राति पहिरोले घर बगाउँदा चार जना बेपत्ता भएका हुन् ।
जिल्ला प्रहरी कार्यालय, लमजुङले बुधबार बिहान घटनाको जानकारी आएलगत्तै घटनास्थलतर्फ सुरक्षाकर्मी पठाइएको भए पनि विस्तृत विवरण आउन बाँकी रहेको जनाएको छ ।
पृथ्वी राजमार्ग भासिँदा आवागमन प्रभावित
वर्षाले पृथ्वी राजमार्ग भासिएको छ । पृथ्वी राजमार्गअन्तर्गत पोखरा महानगरपालिका–१४ स्थित चाउथेको सडक खण्ड बुधबार बिहान भासिएको हो ।
सडक भासिएपछि सवारी आवागमन प्रभावित भएको छ । जिल्ला प्रहरी कास्कीले अहिले सवारी आवागमन एकतर्फी भइरहेको र त्यसलाई हटाएर दुईतर्फी बनाउने प्रयास भइरहेको जनाएको छ ।
ताजा अपडेट
-
पाकिस्तानले खाद्य सुरक्षाका लागि उत्कृष्ट कृषि अभ्यासमा जोड दिने
-
‘वर्षाका कारण उपत्यकाको फोहर व्यवस्थापनमा समस्या हुँदैन’
-
नेपाल धितोपत्र बोर्डको अध्यक्ष नियुक्ति प्रकृया रद्ध
-
साउनदेखि लागू हुनेगरी मुलुकभर सीपमूलक कार्यक्रमको आयोजना गरिने
-
‘एसइईमा आधाभन्दा बढी विद्यार्थी के कारणले असफल भए सरकारले जवाफ दिनुपर्छ ’
प्रतिक्रिया