एसइई नतिजा भोलि सार्वजनिक गरिने
काठमाडौं । राष्ट्रिय परीक्षा बोर्ड, परीक्षा नियन्त्रण कार्यालयले यस वर्षको एसइई परीक्षाको नतिजा बिहीबार (भोलि) सार्वजनिक गर्ने निर्णय गरेको छ ।
बोर्डले बिहीबार बिहान १० बजेसम्म नतिजा प्रकाशन गर्ने जनाएको छ । नतिजा आजै सार्वजनिक गर्ने बोर्डको तयारी भएता पनि केही प्राविधिक तयारी नपुगेकाले बिहीबार नतिजा सार्वजनिक गर्ने निर्णय भएको हो ।
कार्यालयले गत वर्ष असार २४ मा एसइईको नतिजा सार्वजनिक गरेको थियो । कक्षा १० का परीक्षा नियन्त्रक नन्दलाल पौडेलका अनुसार यस वर्ष एसइईको नतिजा सैद्धान्तिक र प्रयोगात्मक फरक गरी सार्वजनिक गरिने छ । यस वर्षको नतिजामा विद्यार्थीले सैद्धान्तिकतर्फ ७५ अङ्कको परीक्षामा ३५ प्रतिशत अर्थात् २७ अङ्क नल्याउनेलाई एनजी उल्लेख गरिने उनले जानकारी दिए।
गत चैत १५ गतेदेखि सुरु भएको एसइईमा नियमिततर्फ चार लाख ६७ हजार र ग्रेड वृद्धितर्फ २१ हजार परीक्षार्थी सहभागी थिए ।
ताजा अपडेट
-
सार्वजनिक सेवा प्रवाहमा सूचना प्रविधिको प्रयोग
-
पाकिस्तानले खाद्य सुरक्षाका लागि उत्कृष्ट कृषि अभ्यासमा जोड दिने
-
‘वर्षाका कारण उपत्यकाको फोहर व्यवस्थापनमा समस्या हुँदैन’
-
नेपाल धितोपत्र बोर्डको अध्यक्ष नियुक्ति प्रकृया रद्ध
-
साउनदेखि लागू हुनेगरी मुलुकभर सीपमूलक कार्यक्रमको आयोजना गरिने
प्रतिक्रिया