काठमाडौं । स्थानीय तहले किस्ताबन्दीमा सडकबत्तीकाे महसुल बुझाउन पाउने सुविधा पाएका छन् ।

नेपाल विद्युत् प्राधिकरण सञ्चालक समिति बैैैठकले सडकबत्तीकाे महसुल बाँकी रहेका स्थानीय तहलाई किस्ताबन्दीकाे  सुविधा दिने निर्णय लिएकाे हाे ।

देशका विभिन्न स्थानीय तहलेे सडकबत्ती प्रयाेगबापत कराेडाैं भुक्तानी गर्न बाँकी भए पनि दायित्व पूरा गरेका छैनन् । कतिपय स्थानीय तहसँग त काराेबारकाे यही मामलाले झमेलासमेत परेकाे छ । बक्याैता बाँकी भएकामध्ये केही स्थानीय तहले एकै पटक भुक्तानी गर्न स्राेत अभाव भएकाले किस्ताबन्दीकाे सुविधा दिन माग गर्दै आएका थिए ।