काठमाडौं । राष्ट्रिय स्वतन्त्र पार्टीका महामन्त्री मुकुल ढकाल जुन प्रतिवेदनका कारण पार्टीको कारवाहीमा परेका थिए उनी आफैंले उक्त प्रतिवेदन सार्वजनिक गरेका छन् ।

आज ह्वाट्सएप ग्रुपमार्फत उनले ३३ पेज लामो उक्त प्रतिवेदन सार्वजनिक गरेका हुन् । प्रतिवेदनमा पार्टीको जनमत घट्दै गएकोदेखि पार्टीमा ग्यालेक्सी टिभीका मान्छे धेरै भएको र रास्वपा अन्य पार्टीको ‘डम्पिङ साइट’ भएको विषय समेटिएको छ । ३३ पृष्ठको उक्त प्रतिवेदनमा महामन्त्री ढकालले रास्वपाले अन्य दलसँग भन्दा काठमाडौं महानगरपालिकाका मेयर बालेन शाहसँगै सहकार्य गरेर जान सकिने सुझावसमेत दिएका छन् ।

बुधबार बसेको पार्टी केन्द्रिय सदस्यको बैठकमा मुखमा टेप टाँसेर प्रस्तुत भएका ढकालले उक्त प्रतिवेदन पार्टीभित्र छलफल नहुँदै सार्वजनिक गरेको भनेर कारवाहीसमेत भोगिसकेका छन् ।

उक्त बैठकमा यस प्रतिवेदनबारे छलफल हुँदा मुखमा मास्कसहित टेप टाँसेर बसेका ढकाल केही जवाफ नदिइ बैठकबाट निस्किए । उनको यस गतिविधिको सबै केन्द्रीय सदस्यहरूले विरोध गरेका थिए । हाल पार्टीले उनलाई निलम्बित गरेको छ ।

पार्टीबाट निलम्बनमा परेका ढकाल आफैंले सार्वजनिक गरेको उक्त प्रतिवेदन पढौंः