स्पेनको पोल्टामा युरो कपको उपाधि

साफ च्याम्पियनसिपमा इतिहास बदल्ने नेपालको लक्ष्य

नेपालवाच २०८१ असार ३१ गते ७:५०

काठमाडौं । स्पेनले चौथो पटक युरो कपको उपाधि जितेको छ । जर्मनीको बर्लिनमा सम्पन्न फाइनल खेलमा इंग्ल्याण्डलाई २–१ गोलान्तरमा रोक्दै स्पेनले उपाधि पोल्टामा पारेको हो ।

स्पेनका लागि निको विलियम्स र मिकेल ओयाजाबालले गोल गरे । विलियम्सले ४७औं र मिकेलले ८६औं मिनेटमा गोल गरेका हुन् ।

इंग्ल्याण्डका लागि कोल पाल्मरले ७३औं मिनेटमा गोल गर्दै खेललाई बराबरीमा फर्काए पनि स्पेनलाई रोक्न सकेन ।

योसँगै स्पेन सर्वाधिक युरो कप जित्ने मुलुक बनेको छ । यसअघि सन् १९६४, सन् २००८ र २०१२ मा पनि स्पेनको पोल्टामा युरो कपको उपाधि परेको थियो ।