काठमाडौं । नेपाली सेनाका  प्रधान सेनापति प्रभुराम शर्मा आजदेखि बिदामा बस्दै छन् । अवकाशको एक महिनाअघि बिदामा बस्ने सैनिक प्रचलनअनुसार उनले कमाण्ड हस्तान्तरण गर्न लागेका छन् ।

आजदेखि रथी अशोक सिग्देलले सेनाको कमाण्ड सम्हाल्दै छन् । उनलाई सरकारले दुई साताअघि नै २४ साउनदेखि लागुहुनुे गरी कामु प्रधानसेनापतिमा नियुक्त गरेको थियो ।

यद्यपी उनको नियुक्ति विवादमुक्त भने छैन । उनको नागरिकता र शैक्षिक प्रमाणपत्रमा फरक फरक मिति भएका कागजपत्र बाहिरिएपनि सरकारले छानविन नगरी उनलाई सैनिक नेतृत्व सुम्पिएको हो ।

२४ भदौदेखि सिग्देल प्रधानसेनापति हुनेछन् । उनले तीन वर्ष सेनाको नेतृत्व सम्हाल्नेछन् ।