पहिरोले कर्णाली राजमार्ग अवरुद्ध
जुम्ला । अविरल वर्षाले पहिरो खस्दा कर्णाली राजमार्गको यातायात सञ्चालनमा अवरोध आएको छ ।
सुर्खेत–जुम्ला सडकअन्तर्गत कालिकोटको गगनेखोलामा पहिरो खस्दा राजमार्ग अवरुद्ध भएको सडक डिभिजन कार्यालय, जुम्लाका सूचना अधिकारी वीरबहादुर जिटीले जानकारी दिए ।
उनले पहिरो पन्छाउने काम भइरहेको बताए । वर्षाले कर्णाली राजमार्गअन्तर्गत कालिकोट खण्डको दहीखोला, गगनेखोला, एसमोड र हुल्ममा बारम्बार पहिरो जाने गरेको छ ।
प्रतिक्रिया