५ महिनादेखि चिकित्सक बेपत्ता, खोजीमा सहयोग गरिदिन परिवारको अनुरोध

मासु खाँदा हड्डी अड्किए के गर्ने, के नगर्ने ?

५ महिनादेखि चिकित्सक बेपत्ता, खोजीमा सहयोग गरिदिन परिवारको अनुरोध

रासस २०८१ भदौ २७ गते १०:२३

जलेश्वर । भङ्गहा नगरपालिका–२ बखरी गाउँका स्थायी बासिन्दा ५० वर्षीय चिकित्सक प्रबोधकुमार यादव गत वैशाख ३ गतेदेखि बेपत्ता भएका छन् ।

कामको सिलसिलामा पाँच महिनाअघि काठमाडौंबाट जनकपुरतर्फ लागेका उनी त्यसयता सम्पर्कविहीन भएका हुन् ।

लामो समयदेखि चिकित्सक यादव सम्पर्कविहीन भएको भन्दै परिवारका सदस्यले खोजीमा सहयोग गरिदिन स्थानीय प्रशासनसमक्ष हारगुहार गरेका छन् ।

जिल्ला प्रहरी कार्यालय, महोत्तरीका अनुसार ०८१ वैशाख ३ गते श्रीमती पुनमकुमारीसँग उनको टेलिफोनमा कुराकानी भएको थियो । सोही दिनको अपराह्न ३ बजेबाट भने उनको मोबाइल फोन बन्द भएको श्रीमतीको भनाइ छ ।

बेपत्ता यादवको खोजतलास भइरहेको प्रहरीले जनाएको छ ।