काठमाडाैं । फिल्म निर्माता निर्देशक एवम कलाकार निश्चल बस्नेतले आफ्नो फिल्म ‘बेहुली फ्रम मेघौली सिनेमा हलबाट उतार्ने घोषणा गरेका छन् । बस्नेतले सामाजिक सञ्जालमा एक स्टाटस राख्दै भोलि विहिबारदेखि सिनेमा हलबाट फिल्म  उतार्ने घोषणा गरेका हुन् ।

राम्रो प्रतिकृया , दर्शकको राम्रो साथ , राम्रो  अकुपेन्सी हुँदाहुँदै हिन्दी फिल्मलाई बढी सो दिएर नेपाली फिल्मलाई कम शो दिएको भन्दै एक दिन अघि पनि उनले सामाजिक सञ्जालमा स्टास राख्दै आक्रोस पोखेका थिए ।

सामाजिक सञ्जालमा उनले यसरी लेखेका छन् :

‘हलमा हेरीदिनुहुने सबै दर्शकहरुलाई धेरै धेरै धन्यबाद । सम्मानजनक शो उपलब्ध गराउनुभएकोमा QFX Cinemas लाई धेरै धेरै धन्यवाद । भोलीबाट (OCTOBER 17 ) हाम्रो फिल्म नेपालको सबै हलबाट हामीले नलगाउने निर्णय गरेका छौं । हाम्रो अवस्थालाई बुझिदिनुभएकोमा DCN , APPLE ENTERTAINMENT र OSR DIGITAL लाई पनि धन्यवाद । OTP को समस्या समाधान गर्दै अब चाडै भेट्नेछौं MSM VIDEO मार्फत । APP DOWNLOAD गर्दै गर्नुस है । USA , JAPAN , CANADA र SINGAPORE मा चै app मा उपलब्ध हुनेछैन ।’