काठमाडौं । बार्सिलोना घरेलु मैदानमा पराजित भएको छ । गएराति सम्पन्न खेलमा बार्सिलोना लास पाल्माससँग २–१ को गोल अन्तरमा पराजित बनेको हो ।

लास पाल्मासको जितका लागि सान्ड्रो रामिरेज र फाबियो सिल्भाले १–१ गोल गरे । रामिरेजले खेलको ४९औं मिनेटमा गोल टिमलाई अग्रता दिलाएकोमा ६१औं मिनेटमा राफिन्हाले बराबरी गोल फर्काए । ६७औं मिनेटमा लास पाल्मासका फाबियो सिल्भाले निर्णायक गोल गर्दै टिमलाई जित दिलाए ।

बार्सिलोनाका नयाँ प्रशिक्षक ह्यान्सी फ्लिकको नेतृत्वमा उत्कृष्ट सुरुआत गर्दै बार्सिलोनाले घरेलु मैदानमा लगातार आठ खेल जितेको थियो। टोलीले रियल मड्रिड र च्याम्पियन्स लिगमा बायर्न म्युनिखलाई पराजित गरेको थियो। तर, पछिल्ला तीन ला लिगा खेलमा टोलीले जित निकाल्न सकेको छैन।