काठमाडौं । भुटानका राजा जिग्मे खेसर नाम्गेल वाङचुक नेपाल आउने भएका छन् । आउँदो मंसिर २१ गते उनी ड्रुक एयरमार्फत नेपाल आउन लागेका हुन् ।

उनी बौद्धनाथ र स्वयम्भुनाथको दर्शन गरेर सोही दिन अपरान्ह २ः४० बजे स्वदेश फर्किने कार्यतालिका छ । यी दुई ठाउँको दर्शनवाहेक उनको भ्रमणको उद्देश्य खुलाइएको छैन ।

उनको भ्रमण अवधिभर आगमन, प्रस्थान तथा बौद्धनाथ र स्वयम्भुनाथको दर्शन गर्ने समय प्रयोग हुने बाटोमा सुरक्षा व्यवस्था कडा बनाइनेछ । उनको भ्रमणको तयारीका लागि ९ सदस्यीय अग्रिम टोली काठमाडौं आइसकेका छन् ।

यसअघि पूर्वराजा ज्ञानेन्द्र शाहले भुटान पुगेर राजा जिग्मेसँग भेटेको विषय चर्चामा आएको थियो ।