काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेमाथि अनुसन्धान गर्न नेपाल प्रहरीले थप १३ दिनको समय माग गरेको छ ।

जिल्ला प्रहरी कार्यालय, कास्कीले आइतबार बिहान लामिछानेलाई जिल्ला अदालत, कास्कीमा उपस्थित गराउँदै १३ दिनको समय माग गरेको हो । रविमाथि अनुसन्धानका लागि अदालतले यसअघि उपलब्ध गराएको समय गत शुक्रबार सकिएको थियो ।

सहकारी ठगी प्रकरणअनुसन्धानका लागि गत कात्तिक २ गते पक्राउ परेका गोरखा मिडिया प्रालिका तत्कालीन प्रबन्ध निर्देशक लामिछाने त्यसयता नेपाल प्रहरीको कास्कीस्थित हिरासतमा छन् । उनलाई यो बीचमा रूपन्देही, काठमाडौं, चितवन पु–याइसकिएको छ भने अब पर्सा लैजाने तयारी गरिएको छ ।

लामिछानेमाथि सहकारी ठगीसँगै संगठित अपराध, सम्पत्ति शुद्धीकरण मुद्दामा पनि अनुसन्धान भइरहेको छ ।

संसदीय छानबिन समितिको सिफारिसका आधारमा पक्राउ परेका लामिछाने र उनको दल रास्वपाले भने राजनीतिक प्रतिशोध साँधिएको आरोप लगाउँदै आएको छ ।