काठमाडौं । नेपाल प्रिमियर लिग (एनपिएल) अन्तर्गतको आजको पहिलो खेल सुरु भएको छ । त्रिवि क्रिकेट मैदान कीर्तिपुरमा केही समयअघि सुरु खेलमा टस जितेर चितवन राइनोजले लुम्बिनी लायन्सविरुद्ध बलिङ गरिरहेको छ ।

आजको खेलमा दुवै टिम जित निकाल्ने दाउमा छन् ।

हालसम्म चार खेल खेलिसकेको चितवन राइनोजले तीनमा जित र एकमा हार व्यहोरेको छ । ६ अंकसहित तेस्रो स्थानमा रहेको चितवन आजको खेल आफ्नो पोल्टामा पारेर आफ्नो अवस्था सुधार गर्न चाहन्छ ।

चार खेल खेलिसकेको लुम्बिनीले यसअघिको खेलमा जनकपुरमाथि दबाब कायम गरेको थियो । तर एक रनले लुम्बिनीको जित टाढिन पुग्यो । हालसम्म एउटा खेलमा पनि जित निकाल्न नसकेको लुम्बिनी अंक तालिकाको सबैभन्दा पुछारमा छ । त्यसैले लुम्बिनी आजको खेलमा जित निकाल्नै पर्ने दबाबमा छ ।