काठमाडाै । नेपाल प्रिमियर लिग (एनपिएल) मा लुम्बिनी लायन्सले पहिलाे जित निकालेकाे छ ।

मंगलबार बिहान सम्पन्न खेलमा लुम्बिनीले चितवन राइनाेजमाथि ३३ रनकाे जित निकालेकाे हाे ।

चितवनले लुम्बिनीबाट १६८ रनकाे लक्ष्य पाएकाेमा ८ विकेटकाे क्षतिमा १३४ रन मात्र बनाउन सक्याे ।

याेसँगै एनपिएलमा लुम्बिनीले आफ्नाे हारकाे श्रृखलामा विराम लगाउँदै जितकाे सिलसिला सुरू गरेकाे छ । लुम्बिनकाे याे जितमा कप्तान राेहित पाैडेलले उत्कृष्ट प्रदर्शन गरे ।

लुम्बिनीले दिएकाे १६८ रनको लक्ष्य पछ्याएर अघि बढेकाे चितवन राइनोजले पूरै २० ओभरमा ८ विकेट गुमाएर १३४ रन बनाउन सक्यो ।

चितवनका लागि लुक बेन्केनसटाइनले सर्वाधिक ३१ रन बनाउँदा कुशल मल्लले  २०, नरबहादुर सार्कीले  २२, रिजन ढकालले १४, रवि बोपाराले १२ र सन्तोष कार्कीले १० रन बनाए । यसबाहेक अन्य ब्याटरले दाहाेराे रन जाेड्न सकेनन् ।

बलिङतर्फ लुम्बिनीका रामोन सिमोण्ड्सले २ विकेट तथा साद विन जफर र अभिशेष गौतमले १/१ विकेट लिए ।

त्यसभन्दा पहिले ब्याटिङ गरेकाे लुम्बिनीले ६ विकेटको क्षतिमा १६७ रन बनाएकाे थियाे

लुम्बिनीले १६७ रनको योगफल बनाउँदा कप्तान रोहित पौडेल र साद विन जफर दुवैले अर्धशतकीय पारी खेले । रोहित ५६ बलमा ८२ रन बनाएर आउट हुँदा जफरले ३५ बलमा ५१ रन बनाए ।

त्यसैगरी, अर्जुन साउदले १५ रन र टम मुर्सले १० रन बनाए । यसबाहेकका लुम्बिनीका अन्य ब्याटरले भने दोहोरो रन जोड्न सकेनन् ।

बलिङतर्फ रिजन ढकालले ३ विकेट लिँदा कुशल मल्ल र रञ्जित कुमारले समान १/१ विकेट झारे ।