सातदोबाटोको कल सेन्टरबाट ५३ जना पक्राउ
काठमाडौं । ललितपुरको सातादोबाटोस्थित एक कल सेन्टरबाट प्रहरी ५३ जनालाई नियन्त्रणमा लिएको छ । नेपाल प्रहरीको केन्द्रीय अनुसन्धान ब्युरो (सिआइबी) ले अवैध रूपमा सञ्चालित कल सेन्टरमा सोमबार राति छापा मारेर उनीहरूलाई नियन्त्रणमा लिएको हो ।
पक्राउ पर्नेमा दुई भारतीय र बाँकी नेपाली छन् ।
अवैध रूपमा सञ्चालित उक्त कल सेन्टरले अनलाइन जुवा खेलाउने लगायत कार्य गर्दै आइरहेको प्रहरीले जनाएको छ ।
प्रहरीले उनीहरूको साथबाट ८५ ल्यापटप र ८२ मोबाइलसमेत बरामद गरेको छ ।
नियन्त्रणमा रहेकाहरूमाथि अदालतबाट म्याद थप गरेर अनुसन्धान गर्ने तयारी प्रहरीले गरेको छ ।
प्रतिक्रिया