काठमाडौं । प्रदेश लोक सेवा आयोग, मधेस प्रदेशले प्राविधिक तथा अप्राविधिक पदहरूमा ३८ जनशक्ति माग गरेको छ ।

खुला तथा समावेशी प्रतियोगिताबाट स्थायी पदपूर्ति गर्ने गरी बिहीबार आयोगले प्रशासन सहायक, कृषि बाली विकास, कृषि माटो विज्ञान, कृषि मत्स्य र कृषि भेटेरिनरी पदमा जनशक्ति माग गरेको हो ।

प्रशासन सहायकमा सबैभन्दा धेरै ३१ जनशक्ति माग गरिएको छ । त्यस्तै, कृषि बाली विकासमा १, कृषि माटो विज्ञानमा २, कृषि मत्स्यमा १ र कृषि भेटेरिनरीमा ३ सिटमा आवेदन मागिएको छ ।

दरखास्त बिहीबारदेखि आगामी माघ १६ गतेसम्म दिन सकिनेछ । दोब्बर दस्तुर बुझाएर भने माघ २३ गतेसम्म आवेदन बुझाउन सकिने आयोगको सूचनामा उल्लेख छ ।