काठमाडौं । सहकारी ठगी आराेपमा प्रहरी हिरासतमा रहेका राष्ट्रिय स्वतन्त्र पार्टी (रास्वपा) का सभापति रवि लामिछानेलगायतकाे मुद्दामा अदालतले आदेश गर्ने तयारी गरेकाे छ । याे आदेशले उनकाे राजनीतिक भविष्य निर्धारण गर्ने भएकाले चासाेका साथ हेरिएकाे छ

थुनछेक बहसकाे प्रक्रिया बिहीबार सकिएपछि अदालतले आदेशकाे तयारी गरेकाे हाे ।

जिल्ला अदालत कास्कीमा अहिले याे मुद्दाकाे आदेश लेखनकाे काम भइरहेकाे छ । सूर्य दर्शन सहकारी ठगीमा प्रतिवादी बनाइएका  रविसहितका व्यक्तिकाे मुद्दा न्यायाधीश नीतिश राईकाे इजलासमा सुनुवाइ भएकाे थियाे ।

अदालतले अब साधारण तारेख र धराैटीमा छाड्ने या पुर्पक्षका लागि थुनामा पठाउनेमध्ये कुनै एक फैसला गर्नेछ  ।