नेपाल लाइफको बीमालेख नवीकरण विलम्ब शुल्कमा ५० प्रतिशत छुट

बाढीका कारण ३ खर्ब ८७ अर्बको क्षति भएको प्रारम्भिक अनुमान

नेपाल लाइफको बीमालेख नवीकरण विलम्ब शुल्कमा ५० प्रतिशत छुट

नेपालवाच २०८१ फागुन १६ गते १०:४३

काठमाडौं । जीवन बीमा कम्पनी नेपाल लाइफ इन्स्योरेन्स कम्पनीले व्यतीत बीमालेखको नवीकरण गर्दा लाग्ने विलम्ब शुल्कमा ५० प्रतिशत छुट दिने भएको छ ।

कम्पनीको २५औं वार्षिकोत्सवका अवसरमा ‘छुट्ला है, छुट’ योजना सार्वजनिक गर्दै कम्पनीले यस्तो सहुलियत दिन लागेको हो ।

कम्पनीका प्रमुख कार्यकारी अधिकृत प्रवीणरमण पराजुलीले १८० दिनभन्दा बढी समय भइसकेका बीमालेखहरूमा फागुन १५ देखि आगामी जेठ १३ गतेसम्म नवीकरण गरेमा विलम्ब शुल्कमा ५० प्रतिशत छुट हुने जानकारी दिए ।

बीमितहरूको हितलाई मध्यनजर गर्दै एक पटकका लागि यस्तो योजना ल्याइएको उनको भनाइ छ ।