जंगली च्याउ खाएर एक जनाको मृत्यु, ९ जना घाइते

मासु खाँदा हड्डी अड्किए के गर्ने, के नगर्ने ?

जंगली च्याउ खाएर एक जनाको मृत्यु, ९ जना घाइते

रासस २०८१ चैत ५ गते ८:३२

दमौली । तनहुँको व्यास नगरपालिका–६, शान्तिटोलमा च्याउ खाँदा बिरामी परेका एक जनाको मृत्यु भएको छ ।

म्याग्दे गाउँपालिका–६ सर्वलाङका ३० वर्षीय नारायण मगरको मृत्यु भएको जिल्ला प्रहरी कार्यालयले जनाएको छ ।

गत शुक्रबार राति च्याउ खाँदा बिरामी परेका १० जनामध्ये पोखरामा उपचारका क्रममा नारायणको सोमबार मृत्यु भएको जिल्ला प्रहरी कार्यालयका प्रहरी नायब उपरीक्षक अशोक थापाले जानकारी दिए । उनका अनुसार बिरामी परेका नौ जनाको अवस्था खतरामुक्त छ ।

बारीमा उम्रिएको च्याउ खाँदा शुक्रबार १० जना बिरामी परेका थिए ।