काठमाडौं । मेक्सिकोको नौसेनाको एउटा ठूलो प्रशिक्षण जहाज न्यूयोर्क शहरको ब्रुकलिन ब्रिजसँग ठोक्किएर क्षतिग्रस्त भएको छ। यो जहाज एक विशेष समारोहको लागि त्यहाँ गएको थियो।

सार्वजनिक एउटा भिडियोमा शनिबार साँझ पुलमुनिबाट जहाज गइरहेका बेला पुलमा ठोक्किएको देख्न सकिन्छ ।

रिपोर्ट अनुसार, ठक्करपछि धेरै मानिस घाइते भएका छन् भने जहाजको केही भागहरू टुक्रिएर खसेका छन् ।

न्यूयोर्क सिटीको आपतकालीन व्यवस्थापन एजेन्सीले राहत कार्यमा लागिरहेको जनाएको छ । तर यससँग सम्बन्धित थप जानकारी दिइएको छैन।

मेक्सिकोको नौसेनाले जहाज क्षतिग्रस्त भएको पुष्टि गरेको छ। साथै, घटनाको अनुसन्धान भइरहेको पनि बताएको छ।