काठमाडौं । सेयर बजारमा लगानी गर्नेको संख्या बढ्दै गइरहेको छ । यसमा पनि प्राथमिक सेयर अर्थात आइपिओमा भन्दा दोस्रो बजारमा कारोबार गर्ने लगानीकर्ता बढीरहेको सिडिएससीको तथ्यांकले देखाउँछ ।

यसरी दोस्रो बजारमा कारोबार बढीरहँदा लगानीकर्ताले पनि सोचविचार पुर्याएर लगानी गर्नुपर्ने सिए धुव्र अधिकारी बताउँछन् । दोस्रो बजारमा लगानी गर्दा लगानीकर्ताले मुख्यतया कम्पनी विश्लेषण भने जान्नैपर्ने हुन्छ ।

धेरै लगानीकर्ता बजारमा कम्पनी विश्लेषण नगरी नै जुुन कम्पनीको सेयर मूल्य बढीरहेको छ त्यही सेयरमा कारोबार गर्ने गरेको समेत देखिन्छ । यसले लगानीकर्ता अझ डुब्न सक्छन् । यसकारण पनि लगानीकर्ताले कम्पनी छनोटमा विशेष ख्याल गर्नुपर्छ ।

कुनै पनि वित्तीय संस्थाले वित्तिय विवरण, नाफा नोक्सानलगायत वित्तीय जानकारीको लेखाजोखा प्रकाशित गरेको हुन्छ । संस्थाले यस्तो विवरण हरेक ३ महिना तथा प्रत्येक वर्ष निकाल्ने गर्छ । लगानीकर्ताले यस्तो विवरणबाटै कम्पनीको नाफानोक्सान तथा वित्तीय अवस्थाको जानकारी लिन सक्छन् ।

टेलिभिजन प्रस्तुती कुरा पैसाको नयाँ अंकमा हामीले लगानीकर्तालाई वित्तीय विवरण हेर्ने तरिका एंव यसको महत्व बुझाउने प्रयास गरेका छौं । प्रस्तोता निरज गिरीले चार्टड एकाउन्टेन्ट (सिए) धुव्र अधिकारीसँग वित्तीय विवरणको आधारमा कम्पनी छनौटको विशेषयमा गरिएको छलफलको पूूरा भिडियो तलको लिंकमा हेर्नुहोस् :