एक सातामा थपिए ८६ जना डेंगु सङ्क्रमित

देशका विभिन्न स्थानमा सात वटा राजमार्ग तथा सडक खण्ड अवरुद्ध

नेपालवाच २०८२ असार २६ गते १९:०६

काठमाडौं– पछिल्लो एक सातामा देशभर ८६ जनामा डेंगु सङ्क्रमण पुष्टि भएको छ। यो सँगै नेपालमा डेंगु संक्रमितको सङ्ख्या १ हजार ८ सय ९० पुगेको छ ।

स्वास्थ्य सेवा विभागअन्तर्गत इपिडिमियोलोजी तथा रोग नियन्त्रण महाशाखा ईडीसीडीले सार्वजनिक गरेको तथ्यांक अनुसार ६ प्रदेशमा ८६ जनामा डेंगु सङ्क्रमण पुष्टि भएको हो ।

डेंगु देखिएका प्रदेशमध्ये गण्डकीमा सबैभन्दा बढी (३१ जना) संक्रमित थपिएका छन् भने बागमतीमा २३, लुम्बिनीमा १५, कोशीमा ७, सुदूरपश्चिम ७ र मधेश प्रदेशमा ३ जना डेंगु संक्रमित भएका महाशाखाले जनाएको छ ।