काठमाडौं ।  अख्तियार दुरूपयोग अनुसन्धान आयोगले बझाङ बित्थडचिर गाउँपालिकाका तत्कालीन निमित्त प्रमुख प्रशासकीय अधिकृत रमेशबहादुर विष्टसहित ५ जनाविरूद्ध भ्रष्टाचार मुद्दा दायर गरेको छ ।

विद्यालय व्यवस्थापन समितिका अध्यक्षसहितले विभिन्न शीर्षकमा सरकारी रकम हिनामिना गरेको आरोपमा आयोगले आज विशेष अदालतमा मुद्दा दर्ता गरेको हो ।

प्रमुख प्रशासकीय अधिकृत रमेश बहादुरसहित सुनकुडा माध्यमिक विद्यालयको व्यवस्थापन समितिका अध्यक्ष रमेशबहादुर अधिकारी, प्रधानाध्यापक धनबहादुर विष्ट, लेखापाल हर्कबहादुर विष्ट, गाउँपालिकाको सव इन्जिनियर किरण भण्डारीविरूद्ध मुद्दा दर्ता गरिएको आयोगका प्रवक्ता सुरेश न्यौपानेले बताए ।