रोशी खोलाले बगाएर एकजनाको मृत्यु, बीपी राजमार्ग अवरुद्ध
काभ्रे– बीपी राजमार्ग अन्तर्गत रोशी खोलामा आएको बाढीले बगाएर एकजनाको मृत्यु भएको छ ।
मृत्यु हुनेमा बीपी राजमार्गमा काम गर्ने रोशी–७ का निवासी कुन्साङ तामाङ भएको रोशी गाउँपालिकाका उपाध्यक्ष ज्वाला वाइवाले जानकारी दिए ।
अविरल वर्षाका कारण आएको बाढीले बीपी राजमार्ग पूर्ण रुपमा अवरुद्ध भएको छ ।
बाढीले अवरुद्ध सडक खुलाउने प्रयास भइरहेको काभ्रे जिल्ला प्रहरी प्रमुख एसपी कोमल शाहले जानकारी दिए । उनले सबैलाई सडकको अवस्थाबारे बुझेर मात्र यात्रा गर्न अनुरोध गरेका छन् ।
प्रतिक्रिया