प्रतिनिधि सभाको पहिलो अधिवेशन प्रारम्भ

राष्ट्रपति पौडेलद्वारा दुई वटा अध्यादेश जारी

नेपालवाच २०८२ चैत १९ गते १४:३४

काठमाडौँ । गत फागुन २१ गते सम्पन्न प्रतिनिधि सभा सदस्य निर्वाचनपछिको पहिलो अधिवेशन प्रारम्भ भएको छ । सिंहदरबारस्थित निर्माणाधीन संघीयय संसद् भवनको बहुउद्देश्यीय कक्षमा प्रतिनिधि सभा बैठक सुरु भएको हो ।

राष्ट्रपति रामचन्द्र पौडेलले यही चैत १६ गते नेपालको संविधानबमोजिम मन्त्रिपरिषद्को सिफारिसमा आजका लागि संघीय संसद्को दुवै सदनको अधिवेशन आह्वान गरेका थिए । दुई सय ७५ सदस्यीय प्रतिनिधि सभामा रास्वपाका १८२, नेपाली काँग्रेसका ३८, एमालेका २५, नेकपाका १७, श्रम संस्कृति पार्टीका सात, राष्ट्रिय प्रजातन्त्र पार्टी (राप्रपा) का पाँच र एक स्वतन्त्र सांसद छन् ।