महान्यायाधिवक्तामा नारायण कँडेल नियुक्त
काठमाडौं । सरकारले डा. नारायण कँडेललाई महान्यायाधिवक्तामा नियुक्त गरेको छ । आइतबार बसेको मन्त्रिपरिषद बैठकले कँडेललाई महान्यायाधिवक्ता बनाउने निर्णय गरेको हो ।
महान्यायाधिवक्ता सरकारको प्रमुख कानुनी सल्लाहकारका रूपमा रहने संवैधानिक पद हो । यससँगै कँडेलले फौजदारी मुद्दाको अभियोजन गर्ने सरकारी वकिलहरूको नेतृत्व गर्नेछन् ।
यसअघि सुशीला कार्की नेतृत्वको सरकारको पालामा सविता भण्डारी महान्यायाधिवक्ता थिइन् ।
प्रतिक्रिया