‘लालीबजार’ रिलिजकाे कानूनी अड्चन हट्याे

कांग्रेस केन्द्रीय अनुशासन समितिको बैठक बस्दै

नेपालवाच २०८३ वैशाख २३ गते १८:०७

काठमाडौं । चलचित्र ‘लालीबजार’ रिलिजको बाटो खुलेको छ । चलचित्रको प्रदर्शन रोक्नलाई रोशनी नेपाली वादीले हालेको रिट निवेदन उपर उच्च अदालत पाटनले आदेश दिँदै अन्तरिम आदेश जारी नहुने बताएको हो ।

अन्तरिम आदेश जारी नहुने भनेको अदालतले अहिलेलाई (अन्तिम फैसला नभएसम्म) माग गरिएको तात्कालिक रोकरनिर्देशन दिन अस्वीकार गरेको भन्ने हो । यसको अर्थ हो, अब निर्माताले ‘लालीबजार’लाई प्रदर्शन गर्न सक्नेछन् ।

गत १५ गते अदालतले प्रदर्शन रोक्न आदेश दिएको थियो । अदालतको आदेशपछि १८ गतेबाट प्रदर्शनको तयारीमा रहेको चलचित्रको प्रदर्शन अनिश्चित बनेको थियो ।