राहदानी खरिद प्रकरणमा बयानका लागि अख्तियारले जर्मन कम्पनीका प्रतिनिधिलाई बोलायो

सिक्टा सिँचाइ आयोजनाले बाह्रै महिना पानी दिन थालेपछि किसान उत्साहित

बिटुमिन अभावले धुलिखेल–खावा सडकखण्डको कालोपत्रे कार्य दुई महिनादेखि ठप्प

राहदानी खरिद प्रकरणमा बयानका लागि अख्तियारले जर्मन कम्पनीका प्रतिनिधिलाई बोलायो

नेपालवाच २०८३ असार ४ गते ११:००

काठमाण्डौ – विद्युतीय मेसिन रिडेबल पासपोर्ट (ई–पासपोर्ट) खरिद प्रकरणमा अनुसन्धान अघि बढाउँदै अख्तियार दुरुपयोग अनुसन्धान आयोगले जर्मनीको सम्बन्धित कम्पनीका प्रतिनिधिलाई बयानका लागि बोलाएको छ ।

आयोगले बिहीबार द राइजिङ नेपाल अंग्रेजी पत्रिकामा सार्वजनिक सूचना जारी गरी जर्मनीको कम्पनीका आधिकारिक प्रतिनिधिहरूलाई बयानका लागि उपस्थित हुन भनेको हो ।

अख्तियारले जर्मन कम्पनीहरू मुलबाउर र भेरिडोसका प्रतिनिधिलाई बोलाएको छ । अख्तियारले हस्ताक्षरकर्ताको नाम–ठेगाना तोकेर बयानमा उपस्थित हुन भनेको छ ।

अख्तियारले उनीहरूलाई टंगालस्थित केन्द्रीय कार्यालय वा भर्चुअल माध्यमबाट तोकिएको समयसीमा भित्र उपस्थित हुन भनेको छ । तर, पत्रिकामा प्रकाशित सूचनामा भने समयसीमा खुलाइएको छैन ।

ई–पासपोर्ट छपाइमा भएको अनियमितताको आरोपमा जर्मन कम्पनी म्युहलबाउर आईडी सर्भिसका नेपाल प्रतिनिधि मनेन्द्र मल्लसहित चार जनालाई अख्तियारले पक्राउ गरिसकेको छ ।

आयोगले सो प्रकरणसँग सम्बन्धित थप कागजात तथा सम्झौता प्रक्रियासमेत अध्ययन गरिरहेको जनाएको छ

हेर्नुहोस् सूचना