मलेखु-मुग्लिन सडक आज दुई घण्टा बन्द रहने

सुनसरीमा भारतबाट अवैध रूपमा भित्र्याइएको प्रतिबन्धित सयपत्री फूल सशस्त्र प्रहरीद्वारा बरामद

मलेखु-मुग्लिन सडक आज दुई घण्टा बन्द रहने

नेपालवाच २०८३ कार्तिक १८ गते ८:३४

काठमाडौं: पृथ्वी राजमार्गअन्तर्गतको मलेखु-मुग्लिन सडक खण्ड आज दुई घण्टा बन्द हुने भएको छ। जिल्ला प्रशासन कार्यालय धादिङले एक सूचना जारी गर्दै सडक बन्द रहने जानकारी दिएको हो।

मझिमटारमा निर्माणाधीन आकाशे पुलको यात्रु आवागमन गर्ने भाग राख्ने कार्य हिजोबाट सुरु गरिएको थियो। उक्त कार्य नसकिएकाले आज पनि सडक बन्द गरेर काम गर्नुपरेको प्रशासनले जनाएको छ।

प्रशासनका अनुसार आज बिहान ९ बजेदेखि ११ बजेसम्मका लागि सम्पूर्ण सवारी साधनको आवागमन पूर्ण रूपमा बन्द गरिएको छ।