मधेसका नवनियुक्त मुख्यमन्त्री सरोजकुमार यादवले आज शपथ लिँदै
काठमाडौं: मधेस प्रदेशका नवनियुक्त मुख्यमन्त्री सरोजकुमार यादवले आज पद तथा गोपनीयताको शपथ लिँदै छन्। प्रदेश प्रमुखको कार्यालयका अनुसार आइतबार बिहान १० बजे शपथ ग्रहण कार्यक्रम तय गरिएको छ। प्रदेश प्रमुख डा. सुरेन्द्र लाभ कर्णले उनलाई शपथ गराउने छन्।
जनता समाजवादी पार्टी (जसपा) संसदीय दलका नेता यादव संविधानको धारा १६८ को उपधारा ३ बमोजिम प्रदेशको सबैभन्दा ठूलो दलको हैसियतमा मुख्यमन्त्रीमा नियुक्त भएका हुन्। प्रदेशसभामा बहुमतको दाबी गर्न कुनै पनि दलले नसकेपछि उनलाई मुख्यमन्त्रीमा नियुक्त गरिएको हो।
कुल १०७ सदस्यीय मधेस प्रदेशसभामा सरकार गठनका लागि ५४ सांसदको समर्थन आवश्यक पर्दछ। प्रदेशसभामा जसपाका २७, नेकपा एमालेका २३, नेपाली कांग्रेसका २२, नेकपा (माओवादी केन्द्र) का १५ र जनमत पार्टीका १२ सांसद छन्। साथै संघीय समाजवादी पार्टी र राष्ट्रिय प्रजातन्त्र पार्टीका एक-एक जना सांसद रहेका छन्।
संवैधानिक व्यवस्था अनुसार मुख्यमन्त्री नियुक्त भएको ३० दिनभित्र यादवले प्रदेशसभाबाट विश्वासको मत लिनुपर्ने हुन्छ। विश्वासको मत प्राप्त गरेमा मात्र उनको नेतृत्वको सरकारले निरन्तरता पाउनेछ।
ताजा अपडेट
-
JW8 Bangladesh Mobile App Guide: Play Casino & Sports on the Go
-
NBajee Bangladesh app and mobile guide
-
वैदेशिक रोजगार ठगीका फरार आरोपितको बैंक खाता रोक्का गरिँदै
-
प्रधानमन्त्री वालेन्द्र शाह भारतको दुईदिने राजकीय भ्रमणमा जाँदै
-
मधेसका नवनियुक्त मुख्यमन्त्री सरोजकुमार यादवले आज शपथ लिँदै

प्रतिक्रिया