काठमाडाैं । साताको पहिलो आइतबार सुनको मुल्य बढेको छ । नेपाल सुनचाँदी व्यवसायी महासंघका अनुसार आज छापावाल सुन तोलामा २ सय रूपैयाँ बढेर एक लाख दुइ हजार ८ सय रूपैयाँमा कारोबार भइरहेको हो ।

गत शुक्रबार छापावाल सुन तोलामा ६ सय रूपैयाँले बढेर एक लाख २ हजार ६ सय रूपैयाँमा कारोबार भएको थियो । त्यस्तै आज तेजावी सुन तोलामा एक लाख २ हजार तीन सय रूपैयाँमा कारोबार भइरहेको छ । गत शुक्रबारको लागि तेजावी सुन तोलामा एक लाख २ हजार एक सय रूपैयाँ तोकिएको थियो ।

आज चाँदीको मूल्य तोलामा १० रूपैयाँ बढेको छ । महासंघका अनुसार गत शुक्रबार तोलामा एक हजार ४१५ रूपैयाँमा कारोबार भएको चाँदी आज एक हजार ४२५ रूपैयाँमा कारोबार भइरहेको छ ।