काठमाडौं । प्रतिनिधिसभाको आइतबार बस्ने बैठकमा प्रधानन्यायाधीश चोलेन्द्र शमशेर राणाविरुद्धको प्रस्तावमा छलफल हुँदैछ । बैठकको सम्भावित कार्यसूचीमा महाभियोगकाे विषय अघि बढाउने भन्ने छ । संसद् सचिवालयले महाभियोगमाथि आइतबारबाट समय निर्धारण गर्ने भएको हो । महाभियोगका प्रस्तावकले प्रतिनिधिसभामा प्रस्ताव पेश गरेपछि आजबाट सामान्य छलफल हुन लागेको हो ।

प्रस्तावकले प्रतिनिधिसभामा प्रस्ताव राखेपछि पहिले सामान्य छलफल हुनेछ । सांसदले बोलेर सकिएपछि त्यसलाई महाभियोग सिफासिरस समितिमा पठाउने विकल्प छ ।

२२ फागुनमा प्रतिनिधिसभाले महाभियोग सिफारिस समिति गठन गरेको थियो । ११ सदस्यीय यो समितिमा सत्ता पक्ष, प्रतिपक्षसहितका दलबाट प्रतिनिधि छन् ।

प्रतिनिधिसभामा सामान्य छलफलपछि यो प्रस्ताव सिफारिस समितिमा जानेछ । त्यसपछि प्रधान्यायाधीश राणमाथि छानविनको प्रक्रिया अघि बढ्नेछ । हतारमा महाभियोग ल्याएको तर प्रक्रिया छिटो अगाडि नबढाएको भनेर दलहरूको आलोचना बढेको छ ।

माओावादीका प्रमुख सचेतक देव गुरुङ, नेकपा एकीकृत समाजवादीका प्रमु्ख सचेतक जीवनराम श्रेष्ठ र कांग्रेसका सचेतक पुष्पा भुसाल महाअिभयोगका प्रस्तावक हुन् । यी दलका ९५ सांसदको समर्थन रहेको छ ।