काठमाडौं । नेपाली कांग्रेसका वरिष्ठ नेता रामचन्द्र पौडेल र एकीकृत समाजवादीका अध्यक्ष माधवकुमार नेपालबीच भेटवार्ता भएको छ ।

दुईबीच एकीकृत समाजवादीको केन्द्रीय कार्यालय, आलोकनगरमा शनिबार बिहान भेटवार्ता भएको हो ।

नेपालको सचिवालयका अनुसार, दुईबीच झण्डै आधा घण्टा छलफल भएको थियो । छलफलको विषयबारे भने केही बताइएको छैन ।

राष्ट्रपतिका आकांक्षी नेता पौडेल चुनावी गठबन्धनलाई नै निरन्तरता दिने पक्षमा थिए । गठबन्धनलाई निरन्तरता दिएर आफू राष्ट्रपति बन्ने उनको दाउ थियो । तर एकाएक गठबन्धन टुटेपछि पौडेल आफ्नो पक्षमा माहोल बनाउन भित्रभित्रै सक्रिय छन् । शनिबार दुई नेताबीच भएको भेटवार्तालाई पनि यसैसँग जोडेर हेरिएको छ ।