काठमाडाैं । सभामुखको भूमिकामा रहेका जेष्ठसदस्य पशुपति शमशेर राणाले माग १ गते पोखरामा भएको विमान दुर्घटनाको वास्तविकताबारे र सरकारकाे तर्फबाट भइरहेका पछिल्लो अवस्थाबारे जानकारी गराउन सरकालाई रूलिङ गरेका छन् ।

विहीबार संसद् भवन नयाँ बानेश्वरमा बसेको बैठकमा विपक्षी सांसदहरूले विमान दुर्घटनाको सत्यतथ्यबारे जानकारी माग गरेपछि सभामुखले सो रूलिङ गरेका हुन् ।

सभामूखको रूलिङपछि सरकारको तर्फबाट नागरिक उड्ययन तथा पर्यटनमन्त्री सुदन किराँतीले सरकारबाट भइरहेको कामको विवरण प्रस्तुत गरेका छन् ।

सदनलाई जानकारी गराउँदै मन्त्री किराँतीले मृत्यु भएकाहरूमध्ये शव पहिचान नभएकाहरूकाे काठमाडाैंको शिक्षणअस्पललमा पोष्टमार्टमको काम भइरहेको, घटनाको छानविन गर्न पाँच सदस्य उच्चस्तरीय समिति गठन गरिएको र अन्तिरिक हवाइ उडानलाई प्रभाकारी बनाउन प्राधिकरणलाई निर्देशन दिएको जानकारी गराए ।