काठमाडौं । राजनीतिकर्मी रञ्जु दर्शनाले व्यवसायी प्रेमप्रसाद आचार्यलाई रकम नतिरेर आत्मदाहको बाटो रोज्न बाध्य पार्ने व्यक्तिको दैलोमा गएर आफ्नो नेतृत्वमा आन्दोलन गर्ने चेतावनी दिएकी छन् ।

सामाजिक सञ्जालमा एक स्ट्याटस लेख्दै उनले यस्तो चेतावनी दिएकी हुन् ।

‘प्रेम आचार्यजीले आफ्नो कामबापत पाउनुपर्ने पैसा नदिएकाहरू, उनको श्रीमतीको बैंक खातामा पैसा जम्मा गर्ने प्रबन्ध गर्नु । नत्र एक–एकको दैलोमा आन्दोलन गर्न आउनेछौं । आन्दोलनको नेतृत्व मै गर्नेछु,’ दर्शनाले सामाजिक सञ्जालमा लेखेकी छन् ।

इलामको सूर्योदय नगरपालिकाका आचार्यले लामो सुसाइड नोट लेख्दै मंगलबार संसदभवन अगाडि आत्मदाह प्रयास गरेका थिए । प्रहरीले उद्धार गरेर मंगलबार अस्पताल पुर्याए पनि चिकित्सकले उनलाई बुधबार मृत घोषणा गरेका छन् ।

आचार्यको आत्मदाह प्रहरणपछि सामाजिक सञ्जाल तीव्र तरंगित बनेको छ ।