काठमाडौं । युरोपियन च्याम्पियन्स लिगको क्वार्टरफाइनल प्रवेशका लागि सुपरस्टार क्रिस्टियानो रोनाल्डोको टोली म्यानचेस्टर युनाइटेडले आज राति एट्लेटिको म्याड्रिडको सामना गर्दैछ ।

अन्तिम १६ को पहिलो लेगमा इंग्लिस महारथी युनाइटेड र स्पेनिस क्लब एट्लेटिकोबीचको खेल १–१ को बराबरीमा रोकिएको थियो ।

यसर्थ, आज दुवै टोली शतप्रतिशत जितको खोजीमा हुनेछन् ।

यदि आजको खेल पनि निर्धारित र अतिरिक्त समयमा पनि बराबरीमा सकिएमा खेल पेनाल्टी सुटआउटमा जानेछ ।

यसर्थ, रोनाल्डोको साथ पाएको युनाइटेड घरेलु मैदानमा जित निकाल्दै क्वार्टरफाइनलमा जाने लक्ष्यमा हुनेछ ।

यता, रक्षात्मक शैलीको फुटबल खेल्ने टोली पनि रोनाल्डोसहित युनाइटेडका खेलाडीलाई रोक्दै क्वार्टफाइनलको ढोका खोल्न चाहन्छ ।

यस्तै अर्को खेलमा डच क्लब आयाक्सले पोर्चुगिज क्लब बेन्फिकाको सामना गर्दैछ । यी दुईबीचको पहिलो लेग पनि २–२ गोलको बराबरीमा सकिएको थियो ।

च्याम्पियन्स लिगको क्वार्टरफाइनलमा रियल म्याड्रिड र बायर्न म्युनिख पुगिसकेका छन् ।

१४ वर्ष २ महिनापछि रोनाल्डोको ह्याट्रिक, फिफाको बधाई