काठमाडौं । त्रिभुवन विश्वविद्यालयको राजनीतिशास्त्र केन्द्रीय विभागमा तोडफोड भएको छ ।

विभागीय प्रमुख प्रा. डा इश्वरी प्रसाद कँडेल कार्यालभित्रै रहेको अवस्थामा बिहीबार तोडफोड भएको हो । कँडेलले प्रहरी वृत्त किर्तिपुर आफूमाथि भौतिक आक्रमण भएको भन्दै ज्यान मार्ने कसुरमा जाहेरी दिएका छन् ।

उनले दिएको जाहेरीमा नेकपा एमालेको भातृ संगठन अनेरास्ववियुका अध्यक्ष शम्भुप्रसाद भट्टले छापामार शैलीमा उनीमाथि आक्रमण गरी कार्यलयको फर्निचरहरूमाथि क्षति पुर्याएको उल्लेख छ ।

उनका अनुसार अनेरास्ववियुबाट आर्थिक सहयोगका लागि विभागमा पत्र पठाइएको थियो । कँडेलले सार्वजनिक संस्थामा चन्दा दिन मिल्दैन भन्दा आफूमाथि आक्रमण भइ कार्यालय तोडफोड गरिएको जानकारी दिएका छन् ।