सुनको मूल्य ओरालो लाग्ने क्रम जारी, एकैदिन १२०० रूपैयाँले सस्तियो
काठमाडाैं । केही दिन अघि उच्च मूल्य कायम गरेको सुनको मूल्य अहिले फेरी ओरालो लाग्न थालेको छ । नेपाल सुनचाँदी व्यवसायी महासंघका अनुसार बुधबार सुनको मूल्य तोलामा एक हजार दुई सय रूपैयाँ घटेर ९९ हजार तीन सय रूपैयाँमा कारोबार भइरहेको छ ।
मंगलबार छापावाल सुन तोलामा एक हजार ८ सय रूपैयाँ घटेर एक लाख पाँच सय रूपैयाँमा कारोबार भएको थियो । सोमबार छापावाल सुन तोलामा ५ सय रूपैयाँ घटेर एक लाख दुई हजार तीन सय रूपैयाँमा कारोबार थियो ।
आइतबार भने छापावाल सुन तोलामाल दुई सय रूपैयाँ बढेर एक लाख दुइ हजार ८ सय रूपैयाँमा कारोबार भएको थियो ।
त्यस्तै मंगलबार तोलामामा एक लाख रूपैयाँमा कारोबार भएको तेजावी सुन आज प्रतितोला ९८ हजार ८ सय रूपैयाँमा कारोबार भइरहेको छ ।
आज चाँदीको मूल्य तोलामा १० रूपैयाँ घटेको छ । महासंघका अनुसार आज चाँदी तोलामा एक हजार ३७० रूपैयाँमा कारोबार भइरहेको हो । मंगलबार चाँदी तोलामा ३५ रूपैयाँ घटेर एक हजार ३८० रूपैयाँमा भएको थियो ।
ताजा अपडेट
-
एमाले गुल्मी अध्यक्षमा बालसिंह काउछा निर्वाचित
-
उपत्यकाको आजको मौसम : दिउँसो बदली, राति हल्का वर्षा
-
पृथ्वी राजमार्गमा सवारी दुर्घटना : घाइते २० मध्ये पाँच जना गम्भीर
-
प्रधानमन्त्रीद्वारा आज हेटौंडा ‘सबस्टेशन’को उद्घाटन हुँदै
-
मध्य तथा पश्चिम तराईमा आगामी तीन दिन अत्यधिक गर्मी हुने
प्रतिक्रिया