काठमाडौं । सन् २०१८ मा स्पेनिस क्लब रियल म्याड्रिड छोडेयता पोर्चुगिज सुपरस्टार क्रिस्टियानो रोनाल्डोले दुई क्लब फेरिसके ।

च्याम्पियन्स लिग जित्नकै लागि उनी इटालियन क्लब युभेन्ट्स गए । त्यहाँ उनको च्याम्पियन्स लिगको यात्रा क्वार्टरफाइनलभन्दा अघि बढ्न सकेन ।

यसै सिजन इंग्लिस क्लब म्यानचेस्टर युनाइटेड फर्किँदा पनि रोनाल्डोको लक्ष्य च्याम्पियन्स लिग नै जित्नु थियो । तर, उनको टोली गएराति स्पेनिस क्लब एट्लेटिको म्याड्रिडसँग पराजित हुँदै अन्तिम १६ बाटै बाहिरिइसकेको छ ।

यससँगै युनाइटेड र रोनाल्डो यो सिजन सबैखाले प्रतियोगिताको उपाधि जित्नबाट बाहिरिएका छन् । रोनाल्डो १२ वर्षपछि पहिलोपटक उपाधिविहीन बनेका हुन् ।

युभेन्ट्समा तीन सिजन बिताउँदा रोनाल्डोले दुई–दुईपटक सिरी ए र इटालियन सुपर कप तथा एकपटक इटालियन कप जितेका थिए ।
तर, यसै सिजन युनाइटेड आएका रोनाल्डो उपाधिविहीन हुन पुगेका छन् ।

युनाइटेड पाँचौं सिजनसम्म लगातार उपाधिविहीन