काठमाडौं । ग्यास सिलिन्डर दुर्घटनामा घाइते कांग्रेस नेता चन्द्रबहादुर भण्डारीको आमाको निधन भएको छ ।

काठमाडौंको कीर्तिपुरस्थित बर्न अस्पतालमा उपचाररत उनको बिहीबार मृत्यु भएको हो ।

अस्पताल स्रोतले बिहान १०ः५७ मा उनको मृत्यु भएको जनाएको छ ।

बुद्धनगरस्थित निवासमा बिहीबार राति ग्यास सिलिन्डर हुँदा भण्डारीसँगै उनकी आमा घाइते भएकी थिइन् । उनको शरीरको ७० प्रतिशत भाग जलेको थियो ।

घाइते नेता भण्डारीको भने उपचार जारी छ । फोक्सो, टाउकोलगायत जटिल समस्या देखिएपछि उनलाई चिकित्सकले भारत लैजान सुझाव दिएका छन् । चिकित्सकको सल्लाहपछि उनलाई भारतको मुम्बई लैजाने तयारी गरिएको पारिवारिक स्रोतले जनाएको छ ।