काठमाडौं । आइसिसी विश्वकप क्रिकेट लिग–टू को त्रिदेशीय सिरिजअन्तर्गत स्कटल्याण्डविरुद्धको खेलमा नेपालले पहिले बलिङ गर्ने भएको छ ।

टियु क्रिकेट मैदानमा टस जितेको नेपालले पहिले फिल्डिङ रोजेको हो । स्कटल्याण्डले सुरुआतमा ब्याटिङ गर्नेछ ।

आजको खेलमा नेपालले एक खेलाडी परिवर्तन गरेको छ । अघिल्लो खेलमा ललित नारायण राजवंशी समावेश भएकोमा उनको स्थानमा गुल्सन झालाई स्थान दिइएको हो ।

मैदानमा उत्रिएका अन्य खेलाडीमा भने रोहित पौडेल, कुशल भुर्तेल, आसिफ शेख, ज्ञानेन्द्र मल्ल, कुशल मल्ल, दीपेन्द्र सिंह ऐरी, सन्दीप जोरा, सोमपाल कामी, करण केसी र सन्दीप लामिछाने छन् ।

स्कटल्याण्डविरुद्ध घरेलु मैदानमा नेपालको यो पहिलो भेट हो । यसअघि पहिलो खेलमा जित निकालेका दुवै टिम आज पनि त्यसको निरन्तरताको खोजीमा रहनेछन् ।