काठमाडौं । संघीय मामिला तथा प्रशासन मन्त्री अमनलाल मोदीले अबदेखि स्थानीय तहमा निमित्त प्रमुख प्रशासकीय अधिकृत नपठाउने बताएका छन् ।

कतिपय अवस्थामा कर्मचारीहरू जान नमाने र त कहिले मन्त्रालयले नै नपठाएर अधिकांश स्थानीय तह निमित्तको भरमा चलिरहेका छन् ।

हाल देशभरका दुई सयभन्दा बढी स्थानीय तह निमित्त प्रमुख प्रशासकीय अधिकृतका भरमा चलिरहेका छन् ।

मन्त्री मोदीले आफू मन्त्री नियुक्त भएर आएपछि ९० जनालाई सरुवा गरी पठाएको जानकारी दिए । आज मन्त्रालयमा पत्रकारहरूसँग सुझाव तथा सल्लाह कार्यक्रमको आयोजना गर्दै मन्त्री मोदीले यस्तो बताएका हुन् ।

‘अहिलेसम्म मेरो हातबाट निमित्त दिइएको छैन । एकैपटक हटाउन सकिदैंन तर कहस सुरू गर्न सकिन्छ,’ उनले भने, ‘निमित्त पठाउने कामको अन्त्य सुरुवात स्थानीय तहबाटै हुनुपर्छ ।’