एजेन्सी । भान्सामा प्रयोग हुने भाँडाहरू सफा गर्ने काम अधिकांश महिलाका लागि टाउको दुखाइको विषय बन्छ । घर सफा र सुन्दर देखिन भाँडाकुडा सफा गर्न जरुरी हुन्छ ।

भाँडा पहेँलो हुनु वा खाद्यान्न राख्ने बट्टा चिल्लो र फोहोर हुनु धेरैको साझा समस्या हो । यिनलाई जति गरे पनि सफा गर्न मुस्किल पर्छ । तर यो समस्या समाधानको एउटा सजिलो उपाय छ ।  तपाईं चियापतिको सहायताले यस्ता चिल्लो र फोहोर भाँडा सहजै सफा गर्न सक्नुहुन्छ । चियापति चिया बनाउन मात्रै नभएर फोहोर निकाल्ने माध्यम पनि हो भन्दा फरक पर्दैन ।

 सफा गर्न कसरी प्रयोग गर्ने चियापति ?

हामी प्रायः सबै जना चिया पकाएर चियापति फाल्ने गछौं । चिया पकाइसकेर बाँकी चियापतिले नै तपाईंले आफ्नो घरको भाँडा चम्काउन सक्नुहुन्छ । सो चियापतिमा भाँडा माझ्ने साबुन हाल्नुहोस् र चिल्लो बट्टामा उक्त मिश्रण राखेर केही समय हल्लाउनुहोस् र सफा पानीले सफा गर्नुहोस् ।

यसले तपाईंको बट्टामा भएका फोहोर र चिल्लो पदार्थ सबै सफा गर्छ र बट्टालाई नयाँजस्तै देखाउनमा मद्दत गर्छ । यही मिश्रणको प्रयोग गरेर नै तपाईं भान्साका अन्य भाँडाकुँडा पनि धुनुहोस् । यसले सबै भाँडाहरूको पहेंलोपन हटाउँछ र सफा बनाउँछ ।