धादिङ । कांग्रेस र एमाले निकट विद्यार्थी संगठनको संयुक्त प्यानललाई पराजित गर्दै धादिङका २ क्याम्पसमा माओवादीका अखिल क्रान्तिकारीले बाजी मारेका छन् ।

आइतबार भएको स्ववियु निर्वाचनमा बेनीघाट रोराङ गाउँपालिका–५ स्थित चन्द्रोदय बहुमुखी क्याम्पसमा संयुक्त प्यानलाई हराउँदै अखिल क्रान्तिकारीको प्यानल नै विजयी भएको हो ।

यहाँ सञ्जित सुवेदी नेृत्वत्वको क्रान्तिकारीको प्यानलै विजयी भएका छन् । सुवेदीले ९१ मत पाएर विजयी हुँदा उनका निकटतम प्रतिद्वन्द्वी नेविसंघका संगिता श्रेष्ठले ७९ मत पाएकी छिन् ।

त्यस्तै मलेखुस्थित जय बागेश्वरी बहुमुखी क्याम्पसमा नेविसंघ र अनेरास्ववियुको संयुक्त प्यानललाई पराजित गर्दै क्रान्तिकारीका नवराज त्रिपाठी विजयी भएका छन् । विजयी त्रिपाठीले ६२ मत पाएका छन् भने नेविसंघका विषय अधिकारीले ३७ मत पाएका छन् ।